HIERVE EL AGUA 5 Māehe 2017

I te Rātapu i hoki a Te Koutu ki Hierve el Agua. He rongonui taua wāhi nei mo te wai ngāwhā. Ko 'Te Waikōhua' te tikanga o te ingoa, engari ehara i te wera, he mātao kē, ahakoa te kakara o te wai. "He rite ki tō te waiariki o Rotorua!" te kōrero a ētahi.

Koutuenses en Hierve el Agua

Noticias.
Solamente los koutuenses
con trajes de baño

Koina te wā tuarima kua tae atu au ki reira, ā, ka oho tonu te mīharo atu i roto i a au. I te whakapaingia te puna pai rawa o raro iho nō reira kotahi te puna kaukau. He makariri te hau i te taenga atu i korongatā ai ētahi ki te kuhu atu. Nāwai rā ka rangona te hoihoi o ngā koutuenses e kārangaranga ana, e pakipaki ana i te wai.

Mucha gente

Warea ai au ki te whakaaroaro i te hanga o te wāhi rā. Me kaha ake te tiaki i ngā puna me ngā ahunga o te wai. Me whakariterite he ara rākau kei horo ngā rerenga wai i hangaia i mua o te taenga atu o ngā Paniora. Kāore he mana o ngā tohutohu ki te kore he tangata hei tirotiro atu.

Ngā Tarata

Ko te mea hoki, kāore anō kia kite i ngā painga mo te hāpori i ngā tau e maha nei o te taetaenga atu o ngā manene. He tōtara wāhi rua hoki te hāpori rā. 

Ahakoa ngā utu mō ngā waka me te urunga atu, i rata mātou ko ngā ākonga ki te wāhi rā. He pai hoki ki a rātou ngā taraka iti i whitingia ai te ripa maunga. Otirā, i te hokinga atu me pana tētahi e te tira kia ka kā ai te pūkaha. Koina a Mehiko!